I love you

Ek hunar hai jo kar gayaa huuN maiN
 
sab ke dil se utar gayaa huuN maiN

kaise apnii haNsii ko zabt karuuN
 
sun rahaa huuN ke ghar gayaa huuN maiN

kyaa bataauuN ke mar nahiiN paataa
 
jiite ji jab se mar gayaa huuN maiN

ab hai bus apna saamnaa darpesh
 
har kisii se guzar gayaa huuN maiN

voh hii naaz-o-adaa, voh hii Ghamze
 
sar-ba-sar aap par gayaa huuN maiN

"2 Ajnabi dost"

Bheer mein aik ajnabi ka saamna acha laga

sab se chhup kar woh kissi ka dekhna acha laga

Surmai Aankhon ke neechey phool se khilney lagey

kehtey kehtey kuch kissi ka sochna acha laga

baat tou kuch bhi nahin thi laiken "uss" ka aik dum

haath ko honton pe rakh kar rokna acha laga

Chaa'ey mein cheeni milaana uss ghari bhaaya buhut

zair - e lab woh muskuraata "shukria" acha laga

Dil mein kitney aehed baandhey thay bhulaaney ke ussey

woh mila tou sab iraadey torna acha laga

Uss udoo - e - jaan ko amjad bura kaisey kahoon

jab bhi Aaya saamney woh be-wafa acha laga

"2 Ajnabi dost"