Hit poetry 18

Haqeeqat Hay,Yaqeen Kar Lo,Main Uss Ko Bhool Kar Khush Hoon
 
Muhabbat Mar Chuki Ab To,Main Uss Ko Bhool Kar Khush Hoon

Badalti Rutt Ki Wajah Se,Tabiat Kuch Bojhal Si Hay
 
Yun Mera Haal Mat Poocho,Main Uss Ko Bhool Kar khush Hoon

Mery Lehjay Par Mat Chonko,Meri Aankhon Mein Mat Jhanko
 
Yun Hairat Se Na Dekho,Main Uss Ko Bhool Kar Khush Hoon

Tumhein Kya Weham Hay Kiun Raat Bhar Milnay Nahi Aatin
 
Aey Meri Neend Ki Pariyoon,Main Uss Ko Bhool Kar Khush Hoon

Bhala Kiun Roz Banhein Waa Kiye Mujh Se Milnay Aati Hay
 
Tum Uss Ki Yaad Se Keh Do,Main Uss Ko Bhool Kar Khush Hoon

Udasi Saray Ghar Mein Pahilti Jati Hay Gham Ban Kar
 
Dar o Deewar Pe Likh Do,Main Uss Ko Bhool Kar Khush Hoon...
Dil ki Baat Labon Par La Kar Ab Tak Hum Dukh Sehtey Hain,
 
Humne Suna Tha Iss Basti Mein Dilwaley Bhi Rehtey Hain,

Beet Gaya Sawan Ka Mahina Mausam Ne Nazrein Badli hain,
 
Lekin Inn Pyaasi Aankhon Mein Ab Tak Aansu Behtey Hain,

Ek Hamein Awara Kehna Koi Bada Ilzaam Nahi,
 
Duniya Waley Dil Walon Ko Aur Bahut Kuch Kehtey Hain,

Jis Ki Khatir Sheher Bhi Chhoda Jiske Liyey Badnaam Huey,
 
Aaj Wohi Humse Begane Begane Se Rehtey Hain,

Wo Jo Abhi Rehguzar Se Chaak-E-Garebaan Guzra Tha,
 
Uss Awaara Deewane Ko Jalib Jalib Kehte Hai...