Hit poetry 16

kabhi mujh ko saath lekar, kabhi mere saath chal kar
 
woh badal gaye achaanak meri zindagi badal kar

huye jis pey meharaban tum koi Khush nasib hoga
 
meri hasaratein to nikalin mere ansuuon mein Dhal ke

teri zulf-o-rukh kay qurban dil-e-zaar dhuundhata hai
 
wahi champai ujaale wahi suramai dhundalake

koi phool bun gaya hai koi chaand koi taara
 
joh chiraag bujh gaye hain teri anjuman mein jal ke

mere dosto khudara mere saath tum bhi dhuundo
 
woh yahin kahin chhupey hain mere ghum kaa rukh badal kay

teri bejhijhak hansi say na kisi kaa dil ho mailaa
 
yeh nagar hai aainon kaa yahaan saans le sambhal ke


"...Kal raat chand hu-ba-hu tujh jaisa tha ".....Faraz....."

Wohi husan, wohi ghuroor, or wohi doori..."
Muhubbuton Main Her Ik Lamha Wisaal Hoga Ya Teh Huva Tha
 
Bicher Ke Bhi IK Dosray Ka Khiaal Hoga Ya Teh Huva Tha

Wohi Huva Na Badaltay Mausam Main Tum Ne Hum Ko Bhula Dia
 
Koe Bhi Rut Ho Na Chahtoon Ko Zawaal Hoga Ya Teh Huva Tha

Ya Kia Ke Sansain Ukher Rhayeen Hain Safer Ke Aghaz Hi Main Yaro
 
Koe Bhi Thuk Ke Na Rastay Main Nidhaal Hoga Ya Teh Huva Tha

Chalo Ke Fizaan Kashtieun Ko Jlaa Dain Gumnam Saheloon Per
 
Ke Ab Yahan Se Na Wapsi Ka Swaal Hoga Ye Teh Huva Tha


kab uskaa visaal chaahiye thaa
 
bas aik Khayaal chaahiye thaa

kab dil ko javaab se Gharz thii
 
hoNToN ko savaal chaahiye thaa

shauq ek nafas thaa aur vafaa ko
 
paas-e-maah-o-saal chaahiye thaa

ek chehraa-e-saadaa thaa jo hamko
 
be-misl-o-misaal chaahiye thaa

ek qarb meN zaat-o-zindagii haiN
 
mumkin ko muhaal chaahiye thaa