koi mausam ho dil meN

koi mausam ho dil meN hai tumhaari yaad ka mausam


ke badla hi nahiN janaaN tumhaare baad ka mausam


nahiN to aazma kar dekh lo, kaise badalta hai
tumhaare muskraane se dil-e-nashaad ka mausam


kahiN se uss haseeB aawaaz ki khushbu pukaare gi


to uss ke saath badle ga dil-e-barbaad ka mausam


qafas ke baam-o-dar meN roshani si aayi jaati hai


chaman meN aa geya shaayed lab-e-aazaad ka mausam


mere shahr-e-parishaaN maiN teri be chaand raatoN meN


buhat hi yaad karta hooN teri buniyaad ka mausam


na koi gham khizaaN ka hai na khawahish hai bahaaroN ki


hamaare saath hai amjad kissi ki yaad ka mausam