Hit poetry 2

khwab ki tarah bikhar jane ko ji chahta hai
 
aisi tanhai k mar jane ko ji chahta hai
 
ghar ki wehshat se larzta hun magar jane kyon
sham hoti hai to ghar jane ko ji chahta hai
 
dub jaun to koi mauj nishan tak na bataye
 
aisi nadi mein utar jane ko ji chahta hai
 
kabhi mil jaye to raste ki thakan jag pare
 
aisi manzil se guzar jane ko ji chahta hai
 
wahi paiman jo kabhi ji ko khush aya tha bahut
 
usi paiman se mukar jane ko ji chahta hai